Addis Ababa, 3 Maajo 2022. Guddoomiyaha Guddiga, Moussa Faki Mahamat, ayaa erayada ugu kulul ee suurtagalka ah ku cambaareeyay weerarkii argagixisanimo ee mintidiinta Al-Shabaab ay ku qaadeen saldhig uu hawlgalka KMG ah ee Midowga Afrika ee ATMIS ay ku leeyihiin gobolka Shabeellaha Dhexe, Koonfur Galbeed ee Muqdisho, saddexda Maajo 2022.
Gudoomiyuhu waxa uu ammaan huwiyay ciidamada nabad ilaalinta Burundi ee naftooda ku waayay iyagoo gacan ka geysanaya si ay nabad iyo xasillooni ugu soo dabbaalaan Soomaaliya. Guddoomiyuhu waxa uu tacsi tiiraanyo leh u diray qoysaskii ay ka geeriyoodeen, dawladda iyo shacabka Jamhuuriyadda Burundi, waxaanu caafimaad degdeg ah u rajaynayaa dadkii ku dhaawacmay weerarkaas.
Guddoomiyuhu wuxuu ku celinayaa in weerarkan foosha xun uusan hoos u dhigi doonin ka go’naanta ciidamada ATMIS, wuxuuna mar kale xaqiijinayaa ka go’naanta joogtada ah ee aan liicin ee Midowga Afrika ay ku taageerayaan dowladda iyo shacabka Soomaaliyeed dedaalkooda ay ku gaarayaan nabad iyo ammaan waara.
Guddoomiyuhu wuxuu kaloo ugu baaqayaa beesha caalamka inay kordhiyaan taageerada ay siiyaan hay’adaha amniga Soomaaliya iyo hawlgalka ATMIS ee u babac dhigaya caqabadaha amni ee horyaalla.